New Campus, New Chapter, Same School

Kampusi i ri ndodhet në Rrugën Jordan Misja, në afërsi të menjëhershme me qendrën e Tiranës, në një lagje në zhvillim të plotë.

Po. Kampusi i ri përfaqëson një hap madhor për EFIT. Ai ofron mbi 5000 m² truall, më shumë se 3000 m² hapësira pedagogjike, dy ndërtesa të ndryshme që mundësojnë një organizim më të mirë të shkollës, hapësira të jashtme më të mëdha dhe më shumë salla të specializuara. Ky kapacitet i ri do të mbështesë në mënyrë të qëndrueshme zhvillimin e EFIT duke ruajtur njëkohësisht numrin e nxënësve në përmasa njerëzore (kapacitet prej 400 nxënësish).

Sallat e reja të klasave janë më të gjerë, më të ndritshme dhe më të përshtatshme për metodat pedagogjike aktuale. Ato do t'u ofrojnë më shumë komoditet nxënësve dhe do të mundësojnë një fleksibilitet më të madh në organizimin e mësimnxënies. Hapësirat e reja do të lehtësojnë gjithashtu punën në grupe të vogla, projektet bashkëpunuese dhe aktivitetet ndërdiciplinare.

Jo. Duke filluar nga viti shkollor 2026, Shkolla Ndërkombëtare Frënge e Tiranës do të ketë përdorimin ekskluziv të të gjithë kampusit, ndërtesave dhe të gjitha instalimeve të tij. Universiteti që zinte më parë një pjesë të ambjenteve do të largohet përfundimisht nga siti gjatë verës. Prandaj, hapësirat do t'i dedikohen plotësisht EFIT-it dhe nxënësve të tij.

Po. Prania e dy ndërtesave të ndryshme do të mundësojë një organizim më koherent midis niveleve të ndryshme të mësimdhënies, duke i ofruar çdo cikli hapësira të përshtatshme për nevojat e tij. Ky konfigurim do të favorizojë gjithashtu një qarkullim më të mirë të nxënësve, një funksionim më të rrjedhshëm të institucionit dhe kushte mësimi edhe më komode. Në planin administrativ, ky organizim përbën një avantazh madhor pasi do t'i lejojë EFIT-it të dorëzojë një kërkesë për licencë shqiptare për gjimnazin. Ky zhvillim është pjesë e strategjisë sonë të zhvillimit afatgjatë dhe do të përforcojë edhe më tej ofertën edukative të ofruar nga institucioni.

Po. Siguria e nxënësve mbetet prioriteti ynë absolut. Kampusi i ri disponon: akses të kontrolluar; hapësira plotësisht të rrethuara; qarkullim të siguruar për nxënësit; instalime të përshtatshme për procedurat e evakuimit dhe sigurisë. Për më tepër, ky sit ka një vokacion të gjatë edukativ dhe ka mirëpritur institucione shkollore prej shumë vitesh. Të gjitha procedurat e nevojshme administrative janë në proces finalizimi me qëllim mirëpritjen e nxënësve në respektim të rregulloreve franceze dhe shqiptare.

Po. Aksesueshmëria është pjesë e prioriteteve të EFIT. Kampusi i ri është përzgjedhur për të ofruar një mjedis më gjithëpërfshirës dhe më të aksesueshëm për të gjithë komunitetin tonë shkollor. Qëllimi ynë është të garantojmë për çdo nxënës, prind dhe vizitor kushte pritjeje të përshtatshme për nevojat e tij.

Jo. Zhvendosja ka të bëjë vetëm me infrastrukturën. Identiteti pedagogjik i EFIT mbetet ekzaktësisht i njëjtë. Nxënësit do të vazhdojnë të përfitojnë nga programet zyrtare të Edukimit Kombëtar francez; homologimi i Ministrisë Franceze të Edukimit Kombëtar; programet e Cambridge International; një mësimdhënie shumëgjuhëshe (frëngjisht, anglisht, shqip dhe gjuhë të tjera sipas niveleve); një shoqërim i personalizuar; një pedagogji e bazuar në ekselencën akademike, hapjen ndërkombëtare dhe mirëqenien e nxënësve. Ambicia jonë mbetet e pandryshuar: t'i ofrojmë çdo fëmije një edukim ekselence në një mjedis ndërkombëtar.

Po dhe jo. Si çdo vit, EFIT vazhdon zhvillimin e tij duke njohur edhe herë pas here rekrutimin e mësuesve të rinj për të shoqëruar rritjen e institucionit dhe për të pasuruar ofertën pedagogjike. Ndryshimi i kampusit nuk modifikon as cilësinë e mësimdhënies dhe as vazhdimësinë pedagogjike.

Jo. Oraret shkollore mbeten të pandryshuara. Familjet do të ruajnë të njëjtat referenca për organizimin e përditshmërisë së tyre. Të gjitha informacionet praktike në lidhje me fillimin e vitit shkollor, aksesin në kampus dhe transportin do të komunikohen përpara rifillimit të mësimeve.

Po. Shërbimi i transportit shkollor do të vijojë. Itineraret do të përshtaten me qëllim që t'i shërbejnë kampusit të ri në mënyrën më efikase të mundshme. Qëllimi ynë është të propozojmë udhëtime më të thjeshta dhe më komode për nxënësit. Qarqet dhe oraret e reja do t'u komunikohen familjeve përpara fillimit të vitit shkollor.

Po. Kampusi i ri përfaqëson një zhvillim madhor për sportin në EFIT. Nxënësit do të përfitojnë nga një kompleks multisportiv i mbuluar prej më shumë se 600 m², që lejon praktikimin e aktiviteteve sportive gjatë gjithë vitit, pavarësisht nga kushtet meteorologjike. Kjo infrastrukturë do të ofrojë kushte ideale për orët e Edukimit Fizik dhe Sportiv (EFS), takimet sportive, kompeiticionet shkollore dhe aktivitetet e organizuara nga shkolla. Përtej orëve të detyrueshme, EFIT do të zhvillojë gradualisht ofertën e tij të aktiviteteve jashtëshkollore sportive. Ndër disiplinat e para të propozuara do të jenë Futbolli, Basketbolli dhe Volejbolli. Ambicia jonë është ta bëjmë sportin një levë të vërtetë të suksesit edukativ, duke favorizuar shëndetin, mirëqenien, frymën e ekipit, respektin dhe tejkalimin e vetvetes.

Po. Kampusi i ri do të ofrojë hapësira plotësisht të dedikuara për kreativitetin dhe shprehjen artistike. Nxënësit do të kenë në dispozicion një sallë të arteve pamore, një sallë muzike dhe një sallë polivalente për shfaqje, koncerte, ekspozita dhe konferenca. Këto hapësira të reja do të mundësojnë zhvillimin e më shumë projekteve ndërdiciplinare, shfaqjeve dhe aktiviteteve kulturore gjatë gjithë vitit.

Po. Kampusi i ri do të na lejojë të propozojmë gradualisht një ofertë aktivitetesh jashtëshkollore më të pasur dhe më të larmishme. Falë infrastrukturave të reja, nxënësit do të mund të përfitojnë nga aktivitete në fusha të ndryshme (sporte, arte, muzikë, gjuhë, shkencë, fusha dixhitale, klube tematike...). Qëllimi ynë është ta bëjmë kampusin një vend të vërtetë jetese, ku nxënësit mund të mësojnë, të zhvillohen dhe të rrisin pasionet e tyre përtej orëve të mësimit.

Mezi po presim t'i mirëpresim familjet në shkollën e tyre të re. Përpara fillimit të vitit shkollor, do të organizohen disa vizita njohëse me qëllim që t'u lejojmë nxënësve dhe prindërve të tyre të vizitojnë kampusin, të takojnë ekipet dhe të njihen me mjedisin e tyre të ri. Këto vizita do të mundësojnë gjithashtu zbulimin e infrastrukturave të reja, sallave të specializuara, hapësirave sportive dhe shërbimeve të ndryshme të propozuara. Të gjitha datat do t'u komunikohen familjeve gjatë verës.

Javët e ardhshme do t'i kushtohen përgatitjes së kampusit të ri për t'i mirëpritur nxënësit në kushtet më të mira. Ndër hapat kryesorë përfshihen punimet e rregullimit dhe zbukurimit, instalimi i mobiljeve dhe pajisjeve pedagogjike, vënia në punë e sallave të specializuara, zhvendosja e burimeve pedagogjike, përgatitja e sallave të klasave, kontrollet e fundit administrative dhe të sigurisë, pritja dhe integrimi i mësuesve të rinj, si dhe organizimi i vizitave për familjet. Gjithçka do të bëhet në mënyrë që nxënësit të gjejnë, që nga dita e parë e shkollës, një mjedis mikpritës, funksional dhe të përshtatshëm për mësim.

Ne jemi plotësisht të vetëdijshëm se ky ndryshim përfaqëson një hap të rëndësishëm për familjet. Kjo është arsyeja pse ne do të vazhdojmë një komunikim të rregullt gjatë gjithë verës me një buletin informativ (newsletter) çdo dy javë. Ekipi ynë do të mbetet i disponueshëm për t'iu përgjigjur pyetjeve të familjeve dhe për t'i shoqëruar ato deri në fillim të vitit shkollor.