MËSIMDHËNIA E GJUHËVE
RRUGËTIME GJUHËSORE
Që në Grupin e Vogël, nxënësit tanë ndjekin mësimin në frëngjisht & në anglisht. Ata përfitojnë të gjithë një mësim të shqipes prej 1 ore e gjysmë në javë.
Lëndët me zgjedhje u lejojnë të ndjekin Latinishten ose përmes CNED të vazhdojnë një gjuhë të cilën e kanë nisur më parë: italisht, kinezisht, rusisht…
NDRYSHIMET MIDIS FLE (FREËNGJISHT GJUHË E HUAJ) DHE FLSCO
Është e rëndësishme të dallohen programet e FLE nga programet e FLSCO sepse gjuha frënge në to mësohet me objektiva shumë të ndryshme:
FLE
FLE, kjo është gjuha franceze e dhënë si një lëndë në një shkollë jo frëngjishtfolëse (për shembull, mësimi i frëngjishtes në një shkollë shqiptare). Mësimi i frëngjishtes në këtë rast është i përqendruar ekskluzivisht në përvetësimin gjuhësor që mund të motivohet nga një kërshëri kulturore, një projekt profesional ose turistik.
FLSco
FLSco, kjo është frëngjishtja e shkollës franceze: ajo që përdoret në klasë nga mësuesit për të mësuar gjuhën frënge, por edhe lëndët e tjera, ajo që flitet në mensë, në oborr… Kështu, objektivi i mbështetjes në FLSco është që t’u mësohet nxënësve gjuha frënge, duke u mësuar njëkohësisht të bëhen nxënës të sistemit shkollor francez, në mënyrë që të munden sa më shpejt të ndjekin tërësinë e mësimeve në klasën e tyre të referencës dhe të ndjekin shkollimin e tyre në shkollën franceze në kushtet më të mira.
PËRZGJEDHJA E NXËNËSVE
Programet e FLSco (Frëngjishtja Gjuhë e Shkollimit) u drejtohen me përparësi nxënësve të sapombërritur në EFIT që nuk janë shkolluar asnjëherë në një sistem francez. Këta nxënës shpesh nuk e zotërojnë ose e zotërojnë në mënyrë të pamjaftueshme gjuhën frënge, por gjithashtu këtë univers të ri kodesh që përfaqëson shkolla franceze – organizimi i jetës shkollore, të kuptuarit e kërkesave për shembull – për të ndjekur mësimin e dhënë në klasën e tyre të referencës.
Nxënësit përzgjidhen në mënyrën në vijim:
- Nëse nxënësit nuk flasin aspak frëngjisht, përfshirja e tyre bëhet automatikisht, pasi të jetë marrë pëlqimi i prindërve dhe pasi të jenë zyrtarizuar një Projekt i Personalizuar i Suksesit Edukativ (PPRE).
- Për nxënësit e tjerë, mund të kryhet një test në marrëveshje me mësuesin dhe familjen dhe marrja përsipër mund të fillojë edhe këtu pas hartimit të një PPRE.
PUNA NË GRUPE TË VOGLA
![](https://efitirana.com/wp-content/uploads/2022/05/IMG_9870-284x284.jpg)
Një mësim intensiv për nxënësit fillestarë (orë të përditshme)
![](https://efitirana.com/wp-content/uploads/2022/05/IMG_9684-284x284.jpg)
Një mësim gjysmë-intensiv për nxënësit që ende kanë nevojë për ndihmë në FLSco (5 orë mësim në javë)
![](https://efitirana.com/wp-content/uploads/2022/05/277785917_5094879407262184_6346481062775073435_n-284x284.jpeg)
Një ndihmë në klasë për të lejuar pjesëmarrjen e nxënësit në veprimtaritë e propozuara nga mësuesi në klasë.
Keni nevojë për më shumë informacion?
Ekipi i zyrës së regjistrimeve është në dispozicionin tuaj për t’iu përgjigjur të gjitha pyetjeve tuaja.