New Campus, New Chapter, Same School

Kampusi i ri ndodhet në Rrugën Jordan Misja 66, në afërsi të menjëhershme me qendrën e Tiranës, në një lagje në zhvillim të plotë.

Po. Kampusi i ri përfaqëson një hap madhor për EFIT. Ai ofron mbi 5000 m² truall, më shumë se 3000 m² hapësira pedagogjike, dy ndërtesa të ndryshme që mundësojnë një organizim më të mirë të shkollës, hapësira të jashtme më të mëdha dhe më shumë salla të specializuara. Ky kapacitet i ri do të mbështesë në mënyrë të qëndrueshme zhvillimin e shkollës duke ruajtur njëkohësisht numrin e nxënësve në përmasa njerëzore (kapacitet prej 400 nxënësish).

Sallat e reja të klasave janë më të gjera, më të ndricuara dhe më të përshtatshme për metodat pedagogjike aktuale. Ato do t'u ofrojnë më shumë komoditet nxënësve dhe do të mundësojnë një fleksibilitet më të madh në organizimin e mësimnxënies. Hapësirat e reja do të lehtësojnë gjithashtu punën në grupe të vogla, projektet bashkëpunuese dhe aktivitetet ndërdiciplinare.

Jo. Duke filluar nga viti shkollor 2026, Shkolla Ndërkombëtare Franceze e Tiranës do të ketë përdorimin ekskluziv të të gjithë kampusit, ndërtesave dhe të gjitha instalimeve të tij. Universiteti që zinte më parë një pjesë të ambjenteve do të largohet përfundimisht nga kampusi gjatë verës. Prandaj, hapësirat do t'i dedikohen plotësisht EFIT-it dhe nxënësve të tij.

Po. Prania e dy ndërtesave do të na lejojë të organizojmë më mirë nivelet e ndryshme të mësimdhënies, duke i siguruar secilit cikël hapësirat që i përshtaten më së miri nevojave të tij. Ky organizim do të përmirësojë gjithashtu qarkullimin e nxënësve, do ta bëjë funksionimin e institucionit më të rrjedhshëm dhe do të krijojë kushte edhe më të mira për mësim. Nga ana administrative, kjo përbën një avantazh të rëndësishëm, pasi do t'i mundësojë EFIT-it të aplikojë për licencën shqiptare për gjimnazin. Ky është një hap i rëndësishëm në strategjinë tonë të zhvillimit afatgjatë dhe do të forcojë më tej cilësinë dhe ofertën edukative që institucioni u ofron nxënësve.

Siguria e nxënësve është përparësia jonë kryesore. Kampusi i ri ofron një mjedis të sigurt dhe të përshtatshëm për të mësuar, me: hyrje me akses të kontrolluar; ambiente tërësisht të rrethuara; hapësira që garantojnë lëvizje të sigurt për nxënësit; infrastrukturë të projektuar sipas standardeve të evakuimit dhe sigurisë. Ky kampus ka gjithashtu një histori të gjatë në fushën e arsimit dhe prej vitesh ka mirëpritur institucione arsimore, duke ofruar një mjedis të përshtatshëm për edukimin e nxënësve. Të gjitha procedurat administrative janë drejt përfundimit, në mënyrë që nxënësit të mirëpriten në përputhje të plotë me standardet dhe rregulloret franceze dhe shqiptare.

Po. Aksesueshmëria është pjesë e prioriteteve tonë . Kampusi i ri është përzgjedhur për të ofruar një mjedis më gjithëpërfshirës dhe më të aksesueshëm për të gjithë komunitetin tonë shkollor. Qëllimi ynë është të garantojmë për çdo nxënës, prind dhe vizitor kushte pritjeje të përshtatshme për nevojat e gjithësejcilit.

Jo. Zhvendosja ka të bëjë vetëm me infrastrukturën. Identiteti pedagogjik i shkollës mbetet ekzaktësisht i njëjtë. Nxënësit do të vazhdojnë të përfitojnë nga programet zyrtare të Edukimit Kombëtar francez; homologimi i Ministrisë Franceze të Edukimit Kombëtar; programet e Cambridge International; një mësimdhënie shumëgjuhëshe (frëngjisht, anglisht, shqip dhe gjuhë të tjera sipas niveleve); një shoqërim i personalizuar; një pedagogji e bazuar në ekselencën akademike, hapjen ndërkombëtare dhe mirëqenien e nxënësve. Ambicia jonë mbetet e pandryshuar: t'i ofrojmë çdo fëmije një edukim ekselence në një mjedis ndërkombëtar.

Po dhe jo. Si çdo vit, EFIT vazhdon zhvillimin e tij duke njohur herë pas here rekrutimin e mësuesve të rinj për të shoqëruar rritjen e institucionit dhe për të pasuruar ofertën pedagogjike. Ndryshimi i kampusit nuk ndryshon as cilësinë e mësimdhënies dhe as vazhdimësinë pedagogjike.

Jo. Oraret shkollore mbeten të pandryshuara. Familjet do të ruajnë të njëjtat referenca për organizimin e përditshmërisë së tyre. Të gjitha informacionet praktike në lidhje me fillimin e vitit shkollor, aksesin në kampus dhe transportin do të komunikohen përpara se te fillojë viti akademik.

Po. Shërbimi i transportit shkollor do të vijojë. Itineraret do të përshtaten me qëllim që t'i shërbejnë kampusit të ri në mënyrën më efikase të mundshme. Qëllimi ynë është të propozojmë udhëtime më të thjeshta dhe më komode për nxënësit. Qarqet dhe oraret e reja do t'u komunikohen familjeve përpara fillimit të vitit shkollor.

Po. Kampusi i ri përfaqëson një ndryshim, madhor për sportin në EFIT. Nxënësit do të përfitojnë nga një kompleks multisportiv i mbuluar prej më shumë se 600 m², që lejon praktikimin e aktiviteteve sportive gjatë gjithë vitit, pavarësisht nga kushtet meteorologjike. Kjo infrastrukturë do të ofrojë kushte ideale për orët e Edukimit Fizik dhe Sportiv (EFS), takimet sportive, kompeiticionet shkollore dhe aktivitetet e organizuara nga shkolla. Përtej orëve të detyrueshme, EFIT do të zhvillojë gjithashtu aktivitete jashtëshkollore sportive. Ndër disiplinat e para të propozuara do të jenë Futbolli, Basketbolli dhe Volejbolli. Ambicia jonë është ta bëjmë sportin një levë të vërtetë të suksesit edukativ, duke favorizuar shëndetin, mirëqenien, frymën e ekipit, respektin dhe tejkalimin e vetvetes.

Po. Kampusi i ri do të ofrojë hapësira plotësisht të dedikuara për kreativitetin dhe shprehjen artistike. Nxënësit do të kenë në dispozicion një sallë të arteve pamore, një sallë muzike dhe një sallë polivalente për shfaqje, koncerte, ekspozita dhe konferenca. Këto hapësira të reja do të mundësojnë zhvillimin e më shumë projekteve ndërdiciplinare, shfaqjeve dhe aktiviteteve kulturore gjatë gjithë vitit.

Po. Kampusi i ri do të na lejojë të propozojmë gradualisht një ofertë aktivitetesh jashtëshkollore më të pasur dhe më të larmishme. Falë infrastrukturave të reja, nxënësit do të mund të përfitojnë nga aktivitete në fusha të ndryshme (sporte, arte, muzikë, gjuhë, shkencë, fusha dixhitale, klube tematike...). Qëllimi ynë është ta bëjmë kampusin një vend të vërtetë jetese, ku nxënësit mund të mësojnë, të zhvillohen dhe të rrisin pasionet e tyre përtej orëve të mësimit.

Mezi po presim t'i mirëpresim familjet në shkollën e tyre të re. Përpara fillimit të vitit shkollor, do të organizohen disa vizita prezantimi me qëllim që t'u lejojmë nxënësve dhe prindërve të tyre të vizitojnë kampusin, të takojnë ekipin dhe të njihen me mjedisin e tyre të ri. Këto vizita do të mundësojnë gjithashtu zbulimin e infrastrukturave të reja, sallave të specializuara, hapësirave sportive dhe shërbimeve të ndryshme të propozuara. Të gjitha datat do t'u komunikohen familjeve gjatë verës.

Javët në vijim do t'i kushtohen përgatitjes së kampusit të ri, në mënyrë që nxënësit të nisin vitin shkollor në kushtet më të mira. Gjatë kësaj periudhe do të realizohen: - rregullimi dhe sistemimi i ambienteve; - vendosja e mobiljeve dhe pajisjeve mësimore; - përgatitja e sallave të specializuara; - transferimi i materialeve pedagogjike; - organizimi i klasave dhe hapësirave të përbashkëta; - kontrollet përfundimtare të sigurisë dhe procedurave administrative; - pritja dhe integrimi i mësuesve të rinj; - organizimi i vizitave për familjet. Qëllimi ynë është që, që në ditën e parë të shkollës, çdo nxënës të gjejë një kampus mikpritës, të sigurt dhe të krijuar për të mësuar në kushtet më të mira.

Jemi plotësisht të vetëdijshëm se ky ndryshim përbën një etapë të rëndësishme për familjet. Për këtë arsye, gjatë gjithë verës do të vazhdojmë të komunikojmë rregullisht përmes një buletini informues (newsletter) çdo dy javë. Ekipi ynë do të mbetet në dispozicion për t’iu përgjigjur pyetjeve të familjeve dhe për t’i shoqëruar ato deri në fillimin e vitit të ri shkollor.