Shkolla Franceze Ndërkombëtare e Tiranës
Aventura në EFIT
E themeluar më 2011, Shkolla franceze ndërkombëtare e Tiranës (EFIT) është një institucion në zhvillim të plotë. Ajo pret sot 126 nxënës nga kopshti në ciklin e mesëm. Rritja e numrit të nxënësve është e dukshme që prej shumë vitesh (+20% më 2020).
E përuruar në shtator 2019, ndërtesa e saj e re ndodhet në një vend ideal në lagjen dinamike Tirana East Gate ku janë vendosur edhe shkollat e tjera ndërkombëtare të ngjashme. Mjediset e saj janë me hapësira të bollshme, të ndriçuara dhe të pajisura mirë.
EFIT është institucioni i vetëm francez i Shqipërisë i akredituar nga Ministria e Arsimit kombëtar francez deri në kursin e mesëm viti i 2-të (CM2). Duke nisur nga cikli i mesëm (klasa e 6-të), mësimdhënia mbështetet në kurset e Qendrës kombëtare të mësimdhënies në distancë (CNED), të dhëna në vend nga mësues asistentë pedagogjikë.
Shkolla bën pjesë në 522 institucionet e rrjetit të Agjencisë për mësimin e frëngjishtes jashtë shtetit (AEFE). I vetmi në botë, ky rrjet vërteton përputhshmërinë e mësimit me kërkesat e sistemit arsimor francez (programe, objektiva pedagogjike, rregulla të organizimit). Kështu, çdo nxënës i dalë nga EFIT mund të ndjekë shkollimin e tij në çdo institucion tjetër në Francë ose në rrjetin botëror të AEFE pa provim pranimi (me kusht që të ketë vend të lirë). Me ekipin e saj pedagogjik dinamik dhe të angazhuar, Shkolla synon t’i ofrojë çdo nxënësi njohuri dhe kompetenca të qëndrueshme dhe një shkollim të hapur ndaj Evropës dhe botës. Ajo kontribuon në përhapjen e gjuhës dhe kulturës franceze në një kuadër pedagogjik laik, gjumëgjuhësor dhe ndërkulturor.
![](https://efitirana.com/wp-content/uploads/2022/05/IMG_9563-270x310.jpg)
![](https://efitirana.com/wp-content/uploads/2022/05/131987212_3650695755013897_3768261842726081503_n-270x310.jpeg)
![](https://efitirana.com/wp-content/uploads/2022/05/107065229_3172872189462925_7651105506141452823_n-270x310.jpeg)
![](https://efitirana.com/wp-content/uploads/2022/05/240668246_4381902358559896_3587647827834590921_n-270x310.jpeg)
Keni nevojë për më shumë informacion?
Jemi të gatshëm për t’ju ndihmuar të gjeni shkollën më mirë për fëmijën tuaj.